Gjermani, Franca dhe Polonia apo siç njihet ndryshe edhe si “Trekëndëshi i Weimarit”, kanë lëshuar të premten një deklaratë të përbashkët, përmes së cilës bëjnë thirrje për progres në çështjen e liberalizimit të vizave për Kosovën.

Lidhur me këtë, kryeministri i Republikës së Kosovës, Albin Kurti përmes një shkrimi në rrjetin social Twitter, thotë se e ka mirëpritur riafirmimin e liberalizimit të vizave për Kosovën.

“E mirëpres riafirmimin e liberalizimit të vizave për Kosovën, përkushtimin e qartë për zgjerimin e BE-së, Procesin e Berlinit dhe Tregun e Përbashkët Rajonal nga Ministrat për Çështje Evropiane të Trekëndëshit të Weimarit”.

Tutje, ai tha se pret me padurim vizitën e tyre të përbashkët.

Në këtë deklaratë të përbashkët, “Trekëndëshi i Weimarit” thotë se e mbështet plotësisht dialogun ndërmjet Kosovës dhe Serbisë dhe thekson “nevojën për një marrëveshje gjithëpërfshirëse që i mundëson Kosovës dhe Serbisë të avancojnë në rrugëtimin e tyre evropian”.

“Ne mbështesim plotësisht dialogun Kosovë-Serbi të udhëhequr nga BE-ja dhe theksojmë nevojën për një marrëveshje gjithëpërfshirëse që i mundëson Kosovës dhe Serbisë të avancojnë në rrugëtimin e tyre evropian dhe të kontribuojnë në stabilitetin në rajon”, thuhet në njoftim./arbresh.info/

I welcome the reaffirmation of visa liberalisation for Kosova, the clear commitment to EU enlargement, the Berlin Process & the Common Regional Market by Ministers for European Affairs of the Weimar Triangle 🇩🇪🇫🇷🇵🇱. I look forward to their joint visit.https://t.co/lDBVP2SjAs

— Albin Kurti (@albinkurti) September 16, 2022

LEXO EDHE:

Gjermania, Franca dhe Polonia bëjnë thirrje për heqjen e vizave për Kosovën